«Бунёдкор» ҳамда «Ал-Фатҳ» жамоалари ўртасидаги ўйиндан кейин ҳар икки жамоа мураббийлари иштирокида матбуот анжумани бўлиб ўтади. Аввало меҳмонлар бош мураббийи Фатҳи ал-Жебал саволларга жавоб берди.

– Футболчиларимизнинг жисмоний имкониятлари яхши эмасди, бундан ташқари фуболчиларимизнинг барчаси кела олишмаганди, лекин жамоа ҳаракат қилди. Мағлубиятга учраган бўлсак ҳам, шогирдларимга раҳмат дейман.

– Жамоа 2:1 ҳисобида олдинга бораётганда устунликни бериб қўйди.
– Биринчи бўлимда «Бунёдкор» устунлик қилди. Менимча, шогирдларим рақибнинг босимини кўтара олишмади.

– Ўйин аввалида ўзгартирилган футболчи натижага таъсир қилдими?
– У бизнинг муҳим футболчимиз эди. Жароҳати бўлишига қарамай майдонда ҳаракат қилди. У оёғида оғриқ сезди.

– «Бунёдор» таркибида сизга кимнинг ўйинлари ёқди? Ўз жамоангиздан кимнинг ўйинлари ёқмади?
– «Бунёдкор»нинг 11-рақамли ҳужумчиси зўр ўйнади. Бизда эса ҳеч ким ёмон ўйнади деб айта олмайман.

– Араб жамоалари ҳисобда олдинга чиқиб олса, натижани ушлашарди, сизнинг жамоангиз эса 2:1 ҳисобида ҳам ҳужумга зўр берди. Тўплар нисбатини яхшилаш ниятингиз бор эдими?
– Дуранг натижанинг фойдаси йўқ эди ва биз кўпроқ гол урмоқчи эдик. 3:1 қиламиз деб, 2:3 ҳисобида имкониятни бой бердик.