«МЮ» бош мураббийи Дэвид Мойес Португалия кубоги доирасидаги «Бенфика» ҳамда «Порту» жамоалари ўртасидаги ўйинни кузатди. Бу ҳақда Daily Mail хабар беради.
Манбада айтилишича, мураббий Элиаким Мангалья, Жексон Мартинес ҳамда Гильермо Сикейруларнинг ўйинини кузатган. «Бенфика» футболчиси Сикейру ўйиннинг 28-дақиқасида қизил карточка олиб, майдонни тарк этди.
Таъкидлаш жоизки, «МЮ» Люк Шоу ҳамда Фабиу Коэтраулардан бирини сотиб ололмаса, Сикейруни харид қилишга уриниб кўради.