Испаниянинг «Барселона» клуби ёзда катта ўзгаришларга қўл урмоқчи. Бу ҳақда sport.es хабар бермоқда. Жамоа трансферлар учун 100 миллион евро сарфламоқчи ва бу пулга иккита дарвозабон, иккита марказий ҳимоячи сотиб олади.

Манбада айтилишича, жамоа раҳбарияти Бартомеу ва унинг атрофидагиларга қуйидаги вазифаларни юклаган:

1. ФИФА билан трансфер чеклови борасида музокаралар олиб бориш. Имкон бўлса, бу чекловдан жарима тўлаш билан чиқиб кетиш.

2. Месси билан унинг режалари ҳақида гаплашиш. Месси жамоада қолишни хоҳласа, уни дунёдаги энг кўп маош олувчи футболчига айлантириш ва 2018 йилга қадар шартнома имзолаш. Агар у жамоада қолишни хоҳламаса, 200 миллион евродан кам бўлмаган нархда сотилади.

3. Бош мураббий Херардо Мартино билан хайрлашиш. Унинг ўзи ҳам кетишини билади.

4. 6-7та янги футболчи сотиб олиш. Хусусан, иккита дарвозабон, иккита марказий ҳимоячи, қанот ҳимоячиси, ҳужумкор ярим ҳимоячи ва марказий ҳужумчи.

5. Қатор футболчилар билан хайрлашиш. Виктор Вальдес, Карлес Пуйоллар жамоадан кетишларини маълум қилишган. Улардан ташқари Пинто, ҳамда Дани Алвеслар ҳам кетишади.