Бугун «Манчестер Юнайтед» хўжайини Малкольм Глейзер Алекс Фергюсондан жамоани бошқариш ҳақидаги таклиф олди. Бир қарашда ушбу хабар "қизил иблислар" мухлислари учун қувончли бўлиши мумкин, аммо аслида ундай эмас. Клуб тарихидаги энг муваффақиятли мураббий — сэр Алекс Фергюсон ишга қайтиш ниятини билдирмаган. Манкунианлар раҳбариятига Алекс Фергюсон исмли 22 ёшли талабадан хат йўллаган.

"Мен кўпмингли сонли мухлисларнинг Алекс Фергюсонни ишга қайтариш кераклиги ҳақидаги талабларини эшитдим. Лекин ёш Ферги ҳам қўйилган вазифага эриша олади. Мен ўз хизматимни анча арзон нархда таклиф қиламан. Ҳафтасига бор-йўғи 3 минг фунт тўланса, ўқишим учун олинган кредитни қоплаш ва машинамни тузатиш учун етарди", дейилади "Болтон" мухлиси бўлган талаба.

Хатнинг давомида Алекс жамоани бошқариш ва клубни янги муваффақиятларга бошлаш нияти борлигини маълум қилган. Унинг ишонч билан ёзишига футбол симуляторларида (компьютер футбол ўйини) муваффақиятга эришгани сабаб бўлганини таъкидлаган. Масалан, у "Football Manager 2013" ўйинида "Арсенал"га бир мавсумда учта совринни келтирган, "Football Manager 2014"да эса "Болтон" билан Англия чемпионлиги ва Чемпионлар лигасида ғолибликка эришган.

Фергюсон ўз ниятининг жиддийлигини исботлаш мақсадида ёзда 3та трансферга йўл уриш нияти борлигини таъкидлаган. Биринчи навбатда у 30 ёшли швециялик футболчи Тонтон Зола Моукокони тилга олган. "Уни қўлга киритсак, у кўп голлар урарди", - дейди Алекс. Шунингдек, Алекс Уэйн Рунини "Саутгемптон"даги Жей Родригесга алмаштириш кераклигини таъкидлаган. Лионель Мессини қўлга киритиш мақсадида эса Том Клеверли ва Рио Фердинандни "Барселона"га бериб, устига 200 миллион фунт бериш кераклигини ҳам ёзган. Бундан ташқари "Олд Траффорд" стадиони номини "Месси Арена"га ўзгартириш таклифини берган.

"Мазкур 3та трансфер бизга кўплаб голларни кафолатлайди ва ўз мақсадимизга эриша оламиз", - дея таъкидлайди Фергюсон.