Бу жамоаларнинг ўзаро учрашувлари хоҳ миллий чемпионат, хоҳ Ўзбекистон кубоги доирасида бўлсин, домио шиддатли ва муросасиз кечган.
Миллий чемпионатлар тарихига назар солсак, ҳозиргача “Локомотив” — “Қизилқум” жамолари бугунгача ўн саккиз маротаба ўзаро рўбарў келган. Шундан еттитасида навоийликлар зафар қучган бўлса, тўртта ўйинда томонлар муроса йўлини танлашган. Қолган яна етти баҳсда омад темирйўлчиларга кулиб боққан. Тўплар нисбати бўйича ҳозирча устунлик “Локомотив” томонида — 15:21.
Ўзаро ўйинларда ҳар икки жамоа ҳам бир хил — 25 тадан очкони ўзиники қилиб олган.
Ўтган мавсумда Тошкентда бу жамоалар ўртасида кечган баҳсда темирйўлчилар 3:1 ҳисобида ғалаба қозонган бўлса, Навоийда мезбонлар рақибидан уч очкони тортиб олганди — 1:0.
Яна бир эътиборли жиҳати, кончилар икки маротаба Тошкентда “Локомотив”ни очкосиз қолдиришган. Жумладан, 2005 йилда темирйўлчилар рақибига 1:3 ҳисобида ютқазган бўлса, 2012 йилда “Қизилқум” пойтахтдан 1:0 ҳисобидаги ғалаба билан уйга қайтган.
Мазкур ўйинга “Қизилқум” жамоаси кўтаринки кайфиятда йўл олмоқда. Таркибда фақат асосий дарвозабон Эркин Жабборовнинг майдонга туша олмаслигини айтмаса, бошқа бирорта жиддий йўқотиш йўқ. Агар Артём Макосиннинг кончилар дарвозасини охирги учрашувларда ишончли қўриқлаётганлигини ҳисобга олсак, бош мураббий Юрий Лукин темирйўлчиларга қарши ишончли таркибни майдонга туширишига умид қилса бўлади.
ЎЗАРО УЧРАШУВЛАР:
2004 йил
2004 йил 15 март. “Қизилқум” — “Локомотив” — 0:0
2004 йил 5 ноябрь. “Локомотив” — “Қизилқум” — 5:0
2005 йил
2005 йил 16 апрель. “Қизилқум” — “Локомотив” — 1:1
2005 йил 25 октябрь. “Локомотив” — “Қизилқум” — 1:3
2006 йил
2006 йил 7 май. “Локомотив” — “Қизилқум” — 1:1
2006 йил 9 сентябрь. “Қизилқум” — “Локомотив” — 1:0
2007 йил
2007 йил 26 май. “Қизилқум” — “Локомотив” — 1:0
2007 йил 16 сентябрь. “Локомотив” — “Қизилқум” — 3:0
2008 йил
2008 йил 5 июль. “Қизилқум” — “Локомотив” — 1:0
2008 йил 16 август. “Локомотив” — “Қизилқум” — 2:1
2009 йил
2009 йил 29 июнь. “Қизилқум” — “Локомотив” — 1:0
2009 йил 7 август. “Локомотив” — “Қизилқум” — 2:1
2010 йил
2010 йил 3 апрель. “Қизилқум” — “Локомотив” — 0:1
2010 йил 21 октябрь. “Локомотив” — “Қизилқум” — 1:0
2012 йил
2012 йил 25 июнь. “Локомотив” — “Қизилқум” — 0:1
2012 йил 8 август. “Қизилқум” — “Локомотив” — 1:1
2013 йил
2013 йил 31 май. “Локомотив” — “Қизилқум” — 3:1
2013 йил 26 август. “Қизилқум” — “Локомотив” — 1:0.
