Франциянинг «Монако» клуби «Барселона»нинг собиқ дарбозабони Виктор Вальдесни сотиб олишдан бош тортди. Бу ҳақда L'Equpie хабар бермоқда.
Манбада айтилишича, «Монако» шу кунларда Вальдесни сотиб олиш фикридан қайтди. Хабарингиз бор, Испания чемпионатининг охирги турларидан бирида жароҳат олган Вальдес ярим йилча майдонга туша олмайди. У «Барселона» билан шартномасини узайтирмаслигини таъкидлаган эди.
Аввалроқ «Монако» Вальдесни қўлга киритиш учун унга олдиндан пул тўлаб қўйгани хабар қилинганди. Айни вақтда дарвозабонга «Манчестер Сити» жиддий қизиқмоқда.
