«Барселона» ва «Ливерпуль» футбол клублари 2 июль, чоршанба куни инглиз клубининг уругвайлик ҳужумчиси Луис Суареснинг трансфери юзасидан музокараларни бошлашади. Бу ҳақда insidespanishfootball хабар бермоқда.

Музокараларда мерсисайдликлар номидан клуб ижрочи директори Ян Эйр иштирок этади, у уругвайлик футболчининг трансфери учун 70 миллион евро сўрамоқчи, ўз навбатида «Барселона» бу нархни пасайтиришга ҳаракат қилади.

Манба маълумотларига кўра, «Барселона» Суаресни сотиб олишда «Ливерпуль»га ўзининг чилилик ҳужумчиси – Алексис Санчесни ҳам қўшиб беришни режалаштирмоқда.

Аввалроқ, «Барселона» шахсий шартнома борасида Луис Суарес билан келишиб бўлгани, шартномага футболчининг рақибларини тишлашини тақиқлашни кўзда тутувчи банд қўшилиши мумкинлиги ҳақида хабар берилганди.