"Челси" ҳужумчиси Фернандо Торрес ушбу мавсумлар оралиғида клубини тарк этмайди, дея хабар беради Sky Sports.
Бу хабарни лондонликлар устози Жозе Моуриньо тасдиқлади.
"Жамоада учта ҳужумчи бўлиши керак. Улар бизда бор: Фернандо, Дидье ва Диего. Улар ҳаммаси "Челси"да қоладилар", - дейди Моуриньо.
Аввалроқ 30 ёшли ҳужумчининг "Атлетико"га қайтиши ҳақида хабарлар тарқалган эди.
Торрес ўтган мавсумда АПЛнинг 28 та учрашувида 5 та гол урган.