Туркиянинг «Газиантеп ББ» ва Озарбойжон терма жамоаси футбочлиси Вагиф Жавадов azerisport.com сайтига берган интервьюсида Ўзбекистон (20 август) ва Россия (3 сентябрь) терма жамоаларига қарши бўладиган ўртоқлик ўйинлари борасида ўз фикрларини билдириб ўтди.

— Ўзбекистонга қарши ўртоқлик ўйинига тайёргарлик борасида нималар дея оласиз?
— Терма жамоа сафида шуғулланиш ҳамиша ёқимли. Йигитлар билан кўришмаганимизга анча бўлди. Асосий вазифа — Болгарияга қарши бўлиб ўтадиган ЕВРО-2016нинг дастлабки ўйинига муносиб тайёргарлик кўришдан иборат.

— Болгариядан ташқари, терма жамоа 20 август куни Ўзбекистон, 3 сентябрь куни Россияга қарши ўйнайди. Бу рақиблар ҳақида нима дея оласиз?
— Ушбу ўйинлар орасида энг муҳими Болгарияга қарши ўйин. Лекин терма жамоанинг ҳар бир ўйини футболчилар учун муҳим аҳамиятга эга. Боиси, биз мамлакат шарафини ҳимоя қиламиз. Аммо Ўзбекистон ва Россияга ютқазсак ҳам, Болгарияни ютишимиз шарт. Саралашнинг илк ўйинидаги ғалаба халқимизни хурсанд қилади.