"Барселона" клуби спорт директори Андони Субисаретта жамоа ўйинчиси Алекс Сонгни сотиш ва ижарага беришда футболчи учун энг қулай вариантни танлашга ҳаракат қилинаётганини таъкидлади.
Шунингдек, Субисаретта "Сан-Паулу" ҳимоячиси Дугласнинг трансфери ҳақидаги хабарларни тасдиқламади.
"Биз Алексни ҳам, ўзимизни ҳам қониқтирадиган вариант танлаймиз. Дугласга келсак, мен тўрт йиллик фаолиятимда якунига етмаган музокаралар ҳақида ҳеч қачон ошкор қилмаганман", - дея Субисареттенинг сўзларини келтиради El Mundo Deportivo.