Август ойи бошида Янги Зеландия терма жамоасига янги бош мураббий Энтони Хадсон тайинланди. Янги зеландияликлар Тошкентга келишдан олдин Доҳада ўқув-машғулот йиғинини ўтказишади.

"Амалга оширилаётган барча ишлар терма жамоадаги фаолиятимнинг муҳим қисми ҳисобланади. Аммо мен интизорлик билан кутаётган бошқа нарса бор. Ўртоқлик ўйинларга тайёргарликни бошлаш мен учун ёқимли. Биз ўз ишимизни юқори муносабатда бўлишимиз керак. Масофа, меҳмонхонанинг ҳолати, вақт, иссиққа мослашиш — ушбу омилларнинг барчаси олдинга интилишимизда муҳим аҳамиятга эга", - дейди Хадсон.

Мураббийнинг фикрича, ФИФА рейтингида 51-ўринни эгаллаб турган ва Осиёнинг учинчи жамоаси ҳисобланган Ўзбекистонга қарши ўйинга тайёргарлик кўриш бош мақсад ҳисобланади.

"Бу биз учун муҳим аҳамиятга эга. Ўзбекистон Осиёнинг энг кучли жамоаларидан бири. Бу ўйин биз учун яхши синов вазифасини бажариб беради. Мен бу ўйин орқали ўзим учун 2-3та нарсани аниқлаб олишим керак. Ушбу ўйиндан келиб чиқиб кейин режаларимизни аниқлаб оламиз", - дейди Энтони Хадсон.

Ўзбекистон-Янги Зеландия ўртоқлик учрашуви 8 сентябрь куни соат 19:00да бошланади. Ўйин "Пахтакор" стадионида бўлиб ўтади.