«Реал» бош мураббийи Карло Анчелотти «Базель»га қарши ўйиндан кейин (5:1) ўз фикрларини билдириб ўтди.

«Ўйин биз учун осон кечди. Дастлабки 30 дақиқа давомида яхши ўйнадик, кучли прессинг қилдик ва ҳужумда тез ҳаракат қилдик. Бир нечта голлар урдик ва ўйинни назорат қилдик.

Ўйлайманки, мухлислар бугунги ўйиндан қониқиш ҳосил қилишди. Жамоа яхши ўйнади, кўп гол урди. Биз яхши кайфиятда бўлишимиз лозим. Трибунада ҳуштакбозликни эшитмаяпман, лекин улар "Сизларни қандай қилиб севмаслик мумкин", дея куйлашганини эшитдим. Вазиятга ижобий нигоҳ билан қарашни истайман.

Албатта, биз ҳали кўп муаммоларни ҳал қилмадик, лекин жамоанинг муносабати менга ёқди», – дейди Анчелотти.