"Барселона" спорт директори Андони Субисаррета Испания чемпионатининг 10-турида "Сельта"га қарши учрашувдан сўнг (0:1) қаторасига икки мағлубиятдан сўнг ҳам жамоа устози Луис Энрикега истеъфо хавф солмаслигини билдирди.
"Мағлубиятни қабул қилиш ҳар доим оғир, айниқса, икки марта кетма-кет ютқазсанг. Аммо Луис Энрикенинг ўрни клубда муҳим.
Биринчи бўлимда "Сельта" кучли прессинг қўллаганига қрамай, ўйинни назорат қилдик. Вазиятлар кўп бўлди, аммо гол ура олмадик.
Пикенинг нима учун ўйинга туширилмаганини билмайман. Бу савол мураббийга, у майдонга тушадиган 11 ўйинчини аниқлайди", - дейди Субисаретта.
