Жанубий Корея К-лигасида 34-тур учрашувлари якунига етиб боряпти. Ушбу турда терма жамоамиз сардори Сервер Жепаров тўп тепаётган “Сеонгнам” клуби сафарда “Чуннам Драгонс” жамоаси меҳмони бўлиб, сўнгги дақиқаларда ғалабани қўлдан чиқарди.
Учрашувнинг 45-дақиқасида Жепаров пенальтидан унумли фойдаланиб, жамоасини ҳисобда олдинга олиб чиққан эди. Аммо 85-дақиқада Жонг Хо-Ли мувозанатни тиклаб, мезбонларни мағлубиятдан қутқариб қолди. “Сеонгнам” 34-турдан сўнг 32 очко билан 10-ўринни эгаллаб турибди. “Чуннам” 46 очко билан 7-поғонадан жой олган.
