Лондоннинг "Челси" клуби бош мураббийи Жозе Моуриньо Словениянинг "Марибор" жамоасига қарши учрашувда ўз шогирдлари кўрсатган ўйиндан қониқмади. Бу ҳақда у дуранг натижа билан тугаган учрашувдан кейинги матбуот анжуманида шундай дейди.
"Биринчи таймда ёмон ўйнадик. Фақат биринчи гол ўтказиб юборганимиздан кейингина уйғондик ва биз ғалаба қозонишимиз керак эди. Лекин бутун ўйин давомида етарли даражада ўйнамасдан фақат охирги 30 дақиқаликда жуда зўр футбол кўрсатсангиз сиз таваккал қилган бўласиз. Бизга рақиб жамоа дарвозабонининг қойилмақом ўйини ҳам тўсқинлик қилди.
Жамоамнинг ҳаракатларидан ҳам, натижадан ҳам қониқмадим. Танаффусдан кейин мен яхшироқ ўйнай олишимизга ишончим комил эди ва мен ҳақ бўлиб чиқдим. Бизда яна гол уриш учун етарлича имкониятлар бўлди, лекин "Марибор" посбони жуда ажойиб ўйинни ўтказди", - деди Моуриньо.