УЕФА ЕЧЛ гуруҳ босқичининг 4-туридан ўрин олган Дортмунднинг "Боруссия" ва Истамбулнинг "Галатасарой" клублари ўртасидаги учрашув якуни бўйича интизомий иш очди. Эслатиб ўтамиз, ўйин 4 ноябрь куни Дортмундда бўлиб ўтган ва мезбонларнинг 4:1 ҳисобидаги ғалабаси билан якунига етганди.
Хабар беришларича, УЕФА "Боруссия"га нисбатан учрашувни ташкилий томондан етарли савияда ўтказмагани ва мухлисларнинг майдонга турли буюмларни отишгани сабабли айблов чиқарган. "Галатасарой"га келсак, ушбу клуб ўз мухлисларининг пиротехника воситаларидан фойдаланганлиги учун жавоб беришига тўғри келади.