Озарбайжоннинг "Араз" клуби мамлакат чемпионатидан чиқди, жамоанинг барча натижалари бекор қилинди ва клуб футболчилари эркин агент мақомини олдилар, дея хабар беради УЕФА расмий сайти.
Чемпионатда 9 жамоа қолди, энди ҳар бир турда 5 эмас, 4 учрашув бўлиб ўтади. Чемпионатда ўйинларининг ярмини ўтказиб қўйган "Араз"нинг барча учрашувлари натижалари бекор қилинади. Шунинг учун энди чемпионат пешқадами "Қорабоғ" эмас, "Нефтчи" ҳисобланади
"Барча мухлисларимизга, ПФЛ ва АФФАга миннатдорчилик билдирамиз. Чемпионат иштирокчиларига келгуси фаолиятларида омад тилаймиз", - дейилади клуб расмий сайтида.
