Ўзбекистон Футбол Федерацияси президенти Мираброр Усмонов бошчилигидаги делегация Андижон шаҳрига ташриф буюрди ва «Андижон» футбол клубини 50 йиллик юбилейи билан табриклади.
ЎФФ Президенти ва Миллий Олимпия Қўмитаси раиси Мирбарор Усмонов бошчилигидаги делагацияда шунингдек, ЎФФ биринчи вице-президенти Сардор Рахматуллаев, Республика Маданият ва Спорт ишлари вазири ўринбосари Мурод Алиев, ЎФФ фахрийлар кенгаши раиси Наримон Жалолов, ЎзПФЛ Бош директори Фарҳод Магометовлар Андижон шаҳрида бўлишди.
Ташриф чоғида делегация аъзолари Бўстон туманида жойлашган «Андижон» клуби футбол мактабига ташриф буюришди ва у ерда олиб борилаётган ишлар билан танишди. Шундан сўнг, 11:00да Андижон вилояти ҳокимиятининг мажлислар ўтказиш залида йиғилиш бўлиб ўтди.
Мазкур йиғилишда Мираброр Усмонов Олий Лига иштирокчилари сони келаси мавсумда кенгайтирилишини ва «Андижон» футбол клубининг келаси йили ҳам Олий Лигада иштирок этишини махлум қилди: «Бу йил «Андижон» жамоасини ташкил топганига 50 йиллик тўлди. Қолаверса, Андижон аҳли футболни жуда севади. Шуни инобатга олиб, ЎФФ комиссияси ва ПФЛ раҳбарияти билан маслаҳатлашган ҳолда «Андижон» жамоасини олий лигада қолдиришга қарор қилдик, - деди Мирбарор Усмонов.
