Мадриднинг "Реал" клуби ЕЧЛ 5-турида "Базель" устидан ғалаба қозонди (1:0) ва бу ютуқ расмий ўйинларда қаторасига 15-ғалаба бўлди.Бу билан клуб ўз тарихида ғалабалар серияси рекордини такрорлади.
"Реал" аввал 1961 йил бош мураббий Мигель Муньос ва 2011 йилда Жозе Моуриньо қўл остида қаторасига 15 ғалабага эришган эди. "Қаймоқранглилар" охирги марта примеранинг учинчи турида ўз уйида "Атлетико"га ютқазиб (1:2) очко йўқотган эдилар.
Янги рекорд ўрнатиш учун "Реал" Испания чемпионатининг 13-турида "Малага"ни меҳмонда ютиб келиши керак. Бу учрашув 29 ноябрь куни бўлади.
