Россия термаси бош мураббийи Фабио Капелло нима сабабдан ҳозирги жамоасини бошқаришга қарор қилгани ҳақида гапирар экан, ҳозирда деярли ярим йилдан буён маош олмаётганига қарамай ишлашда давом этишга тайёр эканини айтиб ўтди.

"Менда бу ишимни давом эттириш учун жуда катта хоҳиш бор, чунки бу лойиҳага ишонаман, ҳатто пул олмасам ҳам... Нима бўлганда ҳам, мен ўзимни келажакда жаҳон чемпионатини ташкиллаштириши керак бўлган мамлакат элчиси деб ҳисоблайман.

Ўтган ҳафта Европа бўйлаб бир қатор учрашувлар ўтказдим - Италияда, Испания, Англия... Афсуски, ҳар сафар уларга рус футболидаги бу аҳволни, қандай қилиб РФИ ўз мураббийига маош тўламаслиги мумкинлигини тушунтиришимга тўғри келди. Бундай вазиятларда ўзимни ноқулай сезаман.

Россия терма жамоаси мураббийи бўлишга қарор қилганимда бу мен учун катта ундов эканини тушунгандим. Бу таклиф менга жуда ёққани учун ҳам уни қабул қилдим. Мен қарор қабул қилаётиб, пул ҳақида ўйлаганим йўқ. Таклиф молиявий томондан чакки эмасди, бироқ мени Россияда ишлаш ғоясининг ўзиёқ тўлқинлантириб юборганди", - дея ўз хотиралари билан бўлишди Капелло "Р-Спорт" нашри мухбири билан суҳбатда.