"Манчестер Юнайтед"нинг собиқ футболчиси, ҳозирда Англия терма жамоаси мураббийлар штаби аъзоси Гари Невилл премьер-лиганинг 15-турида "Саутҳэмптон"га қарши кечган учрашувдан сўнг (2:1) манкунианларнинг ўйини ҳақида фикр билдирди.

"Ўйлашимча, Лии ван Галнинг жамоаси шу вақтгача бундай ёмон ўйин кўрсатмаган эди. Шунчалик ёмон ўйнадики, менинг кулгум қистади. Мен аламдан кулдим. "Юнайтед"нинг неча марта тўп йўқотганининг ҳисобидан адашиб кетдим, биринчи бўлимда эса, неча марта ортга пас узатишди. Ахир, уларнинг таркиби кучли ўйинчилардан иборат. Яримҳимояси 100 миллион фунт туради, ҳужум чизиғи - 50-60.

Ҳимояни қўяверинг, Янг ва Валенсия ўз позицияларида эмаслар. Ҳимоя ёш ўйинчилардан иборат ва улар ҳам ўз позицияларида эмаслар. Шундан нима учун ёмон ўйин кўрсатилаётганини билсам бўлади.

Футболчилар тўп билан ўзларига ишонмаган ҳолда муомала қилмоқдалар, бундан Ван Гал шокда бўлса керак, мен аниқ шокдаман. Жамоа учинчи ўринга қайтганидан хурсанд бўлиши керак, аммо кўрсатган ўйинидан эмас", - дейди Гари Невилл.