Монакода ўтаётган Халқаро олимпия қўмитасининг 127-сессиясида Косово миллий олимпия қўмитаси Халқаро олимпия қўмитасининг тўлақонли аъзоси сифатида тан олинди.    “Косово Миллий олимпия қўмитасини бир овоздан Халқаро Олимпия қўмитасининг янги аъзоси сифатида маъқулланди”, - деди ХОҚ президенти Томас Бах.    Шу тариқа, Косово спортчилари 2016 йили Рио-де-Жанейро шаҳри (Бразилия)да ўтказиладиган XXXI ёзги Олимпиада ўйинларидан мустақил жамоа сифатида қатнашиш хуқуқига эга бўлдилар.    Маълумот учун. Косово олимпия қўмитасига 1992 йилда асос солинган бўлиб, 30дан зиёд миллий спорт федерацияларни бирлаштиради (шундан 13 таси олимпия спорт турлари).