Ўзбекистон миллий терма жамоасининг "Аш-Шаъб" (БАА)га қарши бугун бўлиб ўтиши лозим бўлган назорат учрашуви ўтказилмайдиган бўлди. Бу ҳақда журналист Аброр Имомхўжаев ўзининг Твиттери орқали хабар тарқатди.
Муаллифга кўра, терма жамоа бугун ўзаро иккига бўлинган ҳолда ўйин ташкил этади.
Аввалдан белгиланган режага кўра, Ўзбекистон миллий терма жамоаси бугун Кувайт билан ўртоқлик ўйинини ўтказиши лозим эди, бироқ Кувайт томони сўнгги дамда бу ўйиндан воз кечди. Шундан сўнг Терма жамоалар маркази БААнинг "Аш-Шаъб" клуби билан музокара олиб бориб, бугун назорат ўйинини ўтказиш борасида келишувга эришганди. Аммо бу ўйин ҳам ташкил этилмайдиган бўлди.
Эслатиб ўтамиз, терма жамоамиз 4 декабрь куни Янги Зеландиянинг "Окленд Сити" жамоаси билан назорат учрашувида майдонга тушиб, 0:0 ҳисобида дуранг ўйнаганди.
