"Барселона" клуби 2014 йилда ўтказилган энг сўнгги баҳсда йирик ҳисобда ғалаба қозонди. Ла лига дебютанти "Кордоба" каталонияликларга деярли қаршилик қила олди.
Ҳисоб 2-дақиқадаёқ очилди. Ракитич етказиб берган тўпни Педро жарима майдончаси ичида қабул қилди ва дарвозани ишғол қилди. Тезкор голдан кейин Энрике шогирдлари бироз бўшашишди. Меҳмонлар бундан фойдаланиб, бир нечта хавфли ҳужумлар ташкил қилишди, аммо гол ура олишмади. Бўлим охирларига келиб мезбонлар яна босимни оширишди, аммо Хуан Карлос ўз дарвозасидан бошқа тўп олиб чиқмади.
Суарес ниҳоят "Барселона" сафида ўзининг Ла лигадаги илк голини уришга муваффақ бўлди. Педронинг узатмасини қабул қилиб олган Луис яқин масофадан дарвозани ишғол қилди. Стандарт вазиятда Пике бош билан дарвозани ишғол қилиб, ҳисобни йирик кўринишга келтирди.
Ўйиннинг сўнгги дақиқалари Мессига аталди. У дастлаб бурчак тўпидан сўнг, қўшиб берилган дақиқаларда эса Рафиньянинг узатмасидан сўнг ўнг оёқда 2та гол урди. Умуман, сўнгги пайтларда Лионель ўз голларини асосан ўнг оёқда ураётгани эътиборга молик. Унинг ушбу мавсумда Ла лигадаги голлари сони 15тага етди.
Ушбу турда Испания чемпионатида иштирок этмайдиган "Реал" энди "Барса"дан 1 очко олдинда бормоқда.
Испания Ла лигаси, 16-тур
БАРСЕЛОНА – КОРДОБА - 5:0 (ОНЛАЙН ТРАНСЛЯЦИЯ)
Голлар: 1:0 – 2 Педро, 2:0 – 53 Суарес, 3:0 – 80 Пике, 4:0 – 82 Месси, 5:0 – 90 Месси.
Барселона – Браво, Пике, Монтойя, Альба, Педро, Бускетс, Иньеста (Рафинья, 76), Маскерано, Ракитич (Хави, 65), Суарес, Месси.
Кордоба – Хуан Карлос, Дейвид, Пантич, Лопес (Пинильос, 60), Креспо, Экенг, Лусо (Росси, 72), Гарсия (Лопес Сильва, 75), Картабия, Кампабадаль, Гилас.
Огоҳлантиришлар: Бускетс (66).
