Россия футбол иттифоқи “Матюнин – Халк иши” бўйича якуний хулосага келиш мақсадида “Зенит”нинг бразилиялик футболчиси Халк томонидан расистик ҳаракатда айбланаётган футбол ҳаками – Алексей Матюнинни ёлғонни аниқловчи детектор тестидан ўтказиш ҳақида қарор чиқарди.
Бу можаро 30 ноябрь куни “Мордовия” ва “Зенит” ўртасида ўтказилган ўйинда келиб чиққан, ўша ўйиндан кейин Халк ўйин вақтида ҳакам томонидан ўзига нисбатан расистик ҳаракат содир этилганини даъво қилиб чиққан эди.
Ўз навбатида, Vesti.ru’нинг хабар беришича, Алексей Матюнин шу вақтгача буни туҳмат деб баҳолаб, ҳеч қандай расистик ҳаракат содир этмаганини таъкидлаб келмоқда.
Маълумот учун, Халк бундан ташқари “Краснодар” билан ўйинда ҳам ҳакам ўзига нисбатан шундай ҳаракат расистик ҳаракат содир этганини маълум қилган.
