"Наполи" президенти Аурелио Де Лаурентис клубнинг собиқ ҳужумчиси Эсекиэль Лавессининг жамоага қайтиши ва "Ливерпуль" ҳужумчиси Марио Балотеллининг сотиб олиниши ҳақидаги хабарларни инкор қилди.
"Лавессининг "Наполи"га қайтиши ҳақида ёзаётган журналистлар унинг маоши 4-5 миллион евро эканлигини унутганлар чоғи. Бунинг устига 2012 йилда Неаполдан кетиш ҳақидаги фикр унинг ўзидан чиққан эди. Биз ундан қолишини сўрадик, аммо у "ПСЖ"га кетган эди. Кўпгина агентлар ўз мижозларини бизнинг клубимизга боғлашади, аммо биз Лавессига ҳам, Балотеллига ҳам алоқадор эмасмиз", - дейди Де Лаурентис.