"Реал"нинг собиқ ҳужумчиси, 2006-09 йилларда клуб спорт директори лавозимида ишлаган Предраг Миятович "қироллик клуби" ўз вақтида "Атлетико" ҳужумчиси Фернандо Торресни сотиб олмоқчи бўлганини маълум қилди.
Миятовичнинг сўзларига қараганда, бу иш икки клубнинг азалий рақобатчилиги туфайли амалга ошмай қолган.
"Мен клубда ишлаган чоғимда Торрени сотиб олмоқчи бўлган эдик. Спортдиректори бўлиб ишлар экансан, сенда бир неча вариан бўлиши керак, Торрес бизнинг мўлжалимизда эди. Биз уни сотиб олмоқчи эдик, аммо бу осон иш эмас эди. Гап пулда эмас, унинг қайси клубда ўйнаётганида эди", - дейди Миятович.
