Россиянинг «Краснодар» клуби Европа кубоги мусобақаларида илк иштироки ҳақидаги ҳужжатли фильмни суратга олди. Бу фильм жамоанинг расмий сайтига қўйилган.
Жамоа 2013-2014 йиллардаги мавсумда Россия чемпионатида 5 ўринни эгаллаб, ўзининг 6 йиллик тарихида илк маротаба Европа Лигаси мусобақасида иштирок этиш ҳуқуқини қўлга киритди. Олег Кононов мураббийлигида бу жамоа Европа Лигасидаги ўз иштирокини мусобақанинг иккинчи саралаш босқичидан бошлади. Натижада, краснодарликлар мусобақанинг гуруҳ босқичида иштирок этиш ҳуқуқини қўлга киритдилар.
Маълумот учун, Россиянинг ушбу жамоаси гуруҳ босқичида Англиянинг “Эвертон” ва Германиянинг «Вольфсбург» жамоаларидан кейинда қолиб, Франциянинг “Лилль” жамоасини эса ортда қолдириб, учинчи ўринни эгаллади.
