"Барселона" клубнинг спорт директори Андони Субисарретани истеъфога чиқарилганини эълон қилди.
Бугун томонлар икки тарафлама келишув билан шартномани бекор қилдилар. Клуб президенти Хосеп Бартомеу Субисарретага бажарилган ишлар учун миннатдорчилик билдирди.
Эслатиб ўтамиз, 53 ёшли Субисаррета 2010 йилда Сандро Россель клуб президенти этиб сайлангандан буён ишлаб келаётган эди.
Чоршанба куни "Барселона" директорлар кенгашининг мажлиси бўлиб ўтади ва шундан сўнг президент матбуот анжумани ўтказади.