Испаниянинг Marca газетаси ўз ўқувчилари ўртасида "Барселона" президенти Хосеп Бартомеунинг иши юзасидан сўровнома ўтказди.
Сўровнома якунларига кўра, аксарият мухлислар Бартомеу олиб бораётган ишлардан норози. "Бартомеу янги президентлик сайловларини чақириши ва унинг ўзи истеъфо беришини хоҳлайсизми?" дея берилган саволга 86 фоиз мухлис ижобий жавоб берган.
Эслатиб ўтамиз, примеранинг 17-турида "Барселона" "Реал Сосьедад"га 0:1 ҳисобида мағлуб бўлди, шундан сўнг клубнинг спорт директори Андони Субисаррета истеъфога чиқарилди, кетидан унинг ёрдамчиси Карлес Пуйоль ҳам истеъфо берди.