"Ливерпуль ижрочи директори Иэн Эйр жамоа сардори Стивен Жеррарднинг ижара асосида "қизиллар" сафига қайтиши мумкинлигини маълум қилди.
Эслатиб ўтамиз, 34 ёшли футболчи ёзда "Лос-Анджелес Гэлакси"га отланади.
"Жеррардни оиламиз аъзоси деб ҳисоблаймиз. Унинг ёзда клубни тарк этиши, энди уни "Ливерпуль"да кўрмаймиз, дегани эмас. У билан мунтазам алоқада бўлиб турамиз ва умид қиламанки, келажакда уни шу ерда кўрамиз.
Ижарага олишимиз мумкин. МЛСда бу тез-тез учрайдиган ҳолат. Биз Стивен билан бу борада гаплашганмиз", - дейди Эйр.