"Реал" бош мураббийи Карло Анчелотти Испания кубогининг 1/8 финалида "Атлетико"га қарши жавоб учрашувидан сўнг (2:2) фикрларини билдирди.
"Биз йўл қўйган хатоларимиз устида ишлашимиз керак. Дастлабки 60 дақиқада "Реал" ажойиб ҳаракат қилди. Жамоанинг биринчи бўлимида кўрсатган ўйинидан қоиқдим. Энди чемпионлар лигасига тайёрланишимиз учун уч ҳафта вақтимиз бор, бу ўйинчилар учун яхши.
Бугун ўзимизга хос бўлган хатоларга йўл қўйдик. Бу ҳимоядан ҳужумга ўтишдаги хатоларимиз. Бунга йўл қўймаслигимиз керак эди. "Атлетико" билан майдон марказида ўйнаш жуда қийин.
Стадиондаги муҳит жуда зўр бўлди, жамоа узоқ вақт яхши ўйнади, аммо ўйин тақдирини иккита хато ҳал қилди", - дейди Анчелотти.
