Италия чемпионатининг 19-турида "Милан" ўз майдонида "Аталанта"га 0:1 ҳисобида мағлуб бўлди.
Миланликлар клуб хўжайини Сильвио Берлускони даврида биринчи марта йилнинг дастлабки уч учрашувида ғалаба қозона олмадилар. Эслатиб ўтамиз, Берлускони 1986 йилдан буён клуб президенти бўлиб келмоқда. Филиппо Индзаги шогирдлари аввалроқ"Сассуоло"га 1:2 ҳисобида мағлуб бўлганлар ва "Торино" билан дуранг қайд этганлар - 1:1.
"Милан" охирги марта 1978 йилнинг дастлабки уч учрашувида ҳам ғалаба қозона олмаган эдилар. Ўшанда россонери уч учрашувда бир очко ишлаган эдилар.
