Италиянинг собиқ бош вазири Сильвио Берлускони ўзига қарашли бўлган "Милан" клубини сотиши ҳақидаги миш-мишларни инкор қилди.
"Кўп марта инкор қилинганига қарамай, "Милан"ни сотиш ҳақидаги миш-мишлар яна туғилмоқда. Сильвио Берлускони бу хабарларни яна инкор қилади", - дейди Берлусконининг матбуот хизмати.
Берлускони 1986 йилда "Милан" хўжайинига айланган. Унинг даврида клуб 8 марта Италия чемпионлигини қўлга киритган ва беш марта чемпионлар лигасида ғолиб чиққан.
Айни вақтда миланликлар А сериянинг 8-поғонасида боришмоқда.
