Қатар 2024, 2028 ёки 2032 йиллардан бирида Ёзги Олимпия ўйинларини ўтказиш учун ариза беришга қарор қилди. Бу ҳақда Қатар Миллий Олимпия қўмитаси бош котиби, шайх Саид ибн Абдураҳмон ол Сонийнинг берган маълумотларига иқтибос келтирган ҳолда Франциянинг “L`Équipe” нашри хабар берди.
“Биз ўз юртимизда Олимпиадани ўтказишга қарор қилдик. Бироқ 2024 йилдаги Ўйинларни ўтказишга номзодимизни қўйиш борасида ҳали бир қарорга келмадик. Биз, шунингдек, 2028 ёки 2032 йилдаги Ёзги Олимпиада ўйинларини ўтказиш учун ариза беришимиз мумкин”, деб айтиб ўтди Ол Соний бу масала бўйича ўтказилган матбуот анжуманида.
Қатар ёзги Олимпиада ўйинларини 2014 йилда бу давлатда қисқа бассейнда сузиш бўйича, 2015 йилда гандбол ва бошқа спорт турлари бўйича ўтказилган жаҳон биринчиликларини муваффақиятли ташкиллаштириш ва ўтказиш тажрибасига таянган ҳолда ўтказишни режалаштирилмоқда.
2024 йилдаги Ёзги Олимпиада ўйинларини ўтказиш учун, шунингдек, Париж, Будапешт ва Боку шаҳарлари ҳам даъвогарлик қилмоқдалар.
2024 йилнинг Ёзги Олимпиада ўйинлари 2017 йилнинг 15 сентябрида Перу пойтахти Лимада бўлиб ўтадиган Халқаро Олимпия қўмитасининг йиғилишида аниқланади.
