"Бавария" клуби бошқаруви раиси Карл-Хайнц Румменигге жамоанинг келажакда яна Саудия Арабистони мамлакатига сафар уюштириши мумкинлигини билдирди.
"Мен бойкотларга қаршиман. Мен дунёда 112 мамлакатида инсон ҳуқуқлари бузилаётганини ўқиганман. Агар Гуантанамо ва ўлим жазосини ҳисобга олсак, бу рўйхатга АҚШни ҳам қўшишимиз мумкин", - дея Руммениггенинг сўзларини келтиради Sport1.
Эслатиб ўтамиз, яқинда "Бавария" бундеслиганинг иккинчи даврасига тайёргарлик доирасида Саудия Арабистони мамлакатида маҳаллий "Ал Ҳилол" клуби билан ўртоқлик учрашуви ўтказган ва 4:1 ҳисобида ғалаба қозонган эди. Шундан сўнг инсон ҳуқуқлари бузилаётган давлатга сафар уюштиргани учун клуб немис сиёсатчилари ва бошқа доира вакилларининг кўплаб танқидларига учраган эди.
