29 январь куни Тошкентнинг “Бунёдкор” жамоаси Анталия йиғини доирасидаги биринчи назорат учрашувини ўтказди.

“Қалдирғочлар” Руминиянинг “Вииторул” жамоаси билан куч синашишди. Ҳозирги пайтда ушбу жамоани жаҳон футболининг яқин ўтмишдаги афсонаси Георге Хаджи бошқариб бормоқда. “Вииторул” Руминия чемпионати биринчи давраси якунига кўра 18та жамоа орасида 9-поғонани банд этиб турибди.

“Бунёдкор” – “Вииторул” баҳси қизиқарли курашларга бой бўлди. Ҳар иккала жамоа ҳужумкор ўйин намойиш этишга ҳаракат қилишди. Якунда кучлар тенг келди – 2:2. “Бунёдкор”нинг голларига Самир Бекрич ва Шакер Зуаги муаллифлик қилишди.

“БУНЁДКОР” – “ВИИТОРУЛ” (Руминия) 2:2 (2:1)
“Бунёдкор” голлари: Самир Бекрич 17, Шакер Зуаги 40
“Бунёдкор”: Муроджон Зухуров, Иван Милошевич, Артём Филипосян, Мирзохид Ғофуров, Дилёрбек Ирматов, Обид Жўрабоев, Дилшод Жўраев, Минори Сато, Самир Бекрич, Темур Аюпов, Шакер Зуаги
Захирадан майдонга тушганлар: Павел Бугало, Отабек Зокиров, Акмал Шораҳмедов, Хайрулла Каримов, Анвар Бердиев, Вохид Шодиев