"Барселона" президенти Хосеп Мария Бартомеунинг фикрича, "Неймар иши" ортида "Реал" турган бўлиши мумкин.
"Энг асосийси - бу ишларнинг ортида ким турганлигида. Неймарга фақат икки клубдан таклиф бўлган - "Реал" ва "Барселона". Бир йил олдин ҳаммаси тинч эди, кутилмаганда бу ишлар қўзғалиб кетди. Балки, кимгадир "Барселона"да Неймарнинг иши юришиб кетгани ёқмагандир. Энди эса, Неймар ўз савиясини кўрсата бошлаганда, янги айбловлар бошланди. БУ ишлар ортида айнан "Реал" турибди, демайман, аммо бу трансферда бизга ягона рақиб бўлган эди.
Бир йил олдин "Ноу Камп"да "Озодлик учун" концертини ўтказган эдик, жамоа каталония байроғи рангида ўйнамоқда, бу пойтахтдаги кимларгадир ёқмаётган бўлиши мумкин. Менимча, бу ерда ҳам спорт, ҳам сиёсий камситиш рўй бермоқда. "Барселона" раҳбарияти ҳеч қандай жиноят қилмаган", - дейди Бартомеу.
