Санкт-Петербургнинг “Зенит” жамоаси Москванинг “Спартак” жамоаси аъзоси ва Россия терма жамоасига номзод бўлган ҳужумчи Артём Дзюбанинг 2015 йилнинг 1 июлидан бошлаб ўз сафида ҳаракат қилиши бўйича келишувга эришди.
Хабарларга кўра, “Спартак” жамоасида юзага келган молиявий қийинчиликлар туфайли Артём Дзюба эркин агент сифатида “питерликлар” сафига йўл олади. Унга “Зенит” жамоаси йилига 3,3 миллион евро тўлашни кўзда тутадиган 5 йиллик шартнома таклиф қилган.
Маълумот учун, 1988 йилда туғилган баланд бўйли ушбу марказий ҳужумчи 2011 йилдан Россия терма жамоасига чақирила бошлаган ва шу вақтгача 8та ўйинда майдонга тушиб, 2 голга муаллифлик қилган. Унинг жамоалардаги фаолияти бўйича “Спартак” ва “Ростов” билан биргаликда қўлга киритилган 4 марта вице-чемпионлик унвони мавжуд. У шунингдек, 2 йил давомида Россияда “Йилнинг энг кучли футболчилари” рўйхатига киритилган.
