"Манчестер Юнайтед" ўз майдонида "Арсенал"га ютқазди ва Англия кубогининг ярим финалига чиқа олмади.

Жамоалар мухлисларга чиройли ўйин намойиш қилиб беришди. Ўйиннинг бошида ҳар иккала жамоа шиддат билан ўйнаган бўлсалар-да, эҳтиёткорликни ҳам унутишмади. Биринчи бўлим ўрталарига келиб, ўйин очилиб кетди. Дастлаб Монреаль ҳисобни очган бўлса, орадан 4 дақиқа ўтиб Руни фарқни йўққа чиқарди.

Шундан сўнг ҳам мезбонлар биринчи рақам остида ўйнашда давом этган бўлсалар, Венгер шогирдлари уларнинг босимини бартараф этиб турдилар. Иккинчи бўлимда "МЮ"нинг хатосидан сўнг Уэлбек дарвозани ишғол қилди. Ўйин тугашига 13 дақиқа қолганида Ди Мария майдондан четлатилди. Шунга қарамай Луи ван Гал шогирдлари катта куч билан олдинга ўтдилар, аммо "канонирлар" ҳисобни ушлаб қолишнинг уддасидан чиқдилар ва ярим финал йўлланмасини қўлга киритдилар.

Англия кубоги, 1/4 финал
Манчестер Юнайтед – Арсенал 1:2 (1:1, 0:1)
Голлар: 0:1 – 25 Монреаль, 1:1 – 29 Руни, 1:2 – 61 Уэлбек.
Манчестер Юнайтед – Де Хеа, Блинд, Шоу (Жонс, 46), Смоллинг, Рохо (Янузай, 73), Феллайни, Эррера (Кэррик, 46), Янг, Ди Мария, Валенсия, Руни.
Арсенал – Шченсни, Косьельни, Бельерин (Чемберс, 66), Мертесакер, Монреаль, Касорла, Коклен, Озил, Окслейд-Чемберлен (Рэмзи, 51), Санчес, Уэлбек (Жиру, 74).
Огоҳлантиришлар: Бельерин (4), Эррера (37), Феллайни (59), Янг (60), Рохо (64), Ди Мария (76), Янузай (87), Рэмзи (88).
Четлатиш: Ди Мария (77).