«Barselona» futbolchisi Xavyer Maskerano o‘zi faoliyat olib borayotgan jamoa hamda vatandoshi Lionel Messining jamoada tutgan o‘rni haqida fikr bildirdi.

Maskerano fikriga ko‘ra, yetakchi futbolchilar PSJdan uchralgan mag‘lubiyatdan norozilik bildirib, boshqa jamoaga o‘tishni istasa jamoa rahbarlari ularning istaklariga qarshi chiqmaydi. Shuningdek, Maskerano jamoa yetakchisi Lionel Messi haqida ham iliq fikr bildirdi.

«Oxirgi vaqt, «Barselona»dan ko‘plab, buyuk futbolchilar yetishib chiqishmoqda, ular nafaqat jamoaning ko‘p yillik tarixiga muxrlanib qolishadi. Muxlislar hech qachon bu futbolchilarni yoddan chiqarmaydi.

Lekin, «Barselona» ketishni istagan futbolchilarni majburlab olib qolmaydi. «Barselona» tarkibidagi barcha futbolchilar o‘rnini boshqalar bilan to‘ldirishi mumkin, lekin, Messining o‘rnini bosa oladigan nomzod kamida 50 yilda topilmaydi. Kataloniyaliklar, Messi o‘rnini bosa oladigan nomzod topishlariga ishonish mushkul ish.

Bunga yagona sabab - Messi qayta dunyoga kelmaydi, bilasizmi? Lionel betakror futbolchi», – deydi Maskerano Sport nashriga bergan intervyusida.