«Real» bosh murabbiyi Zayniddin Zidan Ispaniya La ligasining 23-turi doirasida bo‘lib o‘tgan «Espanyol»ga qarshi o‘yin (2:0) borasida o‘z fikrlarini bildirib o‘tdi.

Beylning o‘yini haqida
«Beyl uchun xursandman. Uch oylik tanaffusan keyin u yana o‘zini o‘yinda his qildi. Men unga maydonga chiqishni va maroqlanish kerakligini aytdim. Garet o‘ziga xos futbolchi».

Ronaldu haqida
«U gol ura olmaganidan xafa deb o‘ylamayman. Ronaldu o‘yindan qoniqqan bo‘lishi kerak. U yaxshi o‘yin o‘tkazdi va sheriklari uchun o‘ynadi. Krishtianu hamisha kerakli paytda natija keltira oladi. Men bundan xotirjamman.

Penalti belgilanishi kerak bo‘lgan vaziyat? Ronaldu ofsaydda emas edi. Ishonchim komil, hisob 3:0 bo‘lgan bo‘lardi».

Morata va Isko haqida
«Morata gol urganidan xursadman. Bu narsa futbolchilarning barchasi o‘yinga ruhan tayyorligini bildiradi. Kam o‘yin amaliyotiga ega bo‘layotgan futbolchilar konsentrasiyani saqlab qolishlari qiyin kechadi. Lekin ular hamisha tayyorligini namoyish qilishmoqda.

Isko o‘yindan qoniqish hosil qildi. U juda yaxshi o‘ynadi. Men faqat 2ta golli uzatmaga ahamiyat qaratmayman. U ilk daqiqalardan maydondan mehnat qildi.

«Real»ning keyingi o‘yinlari haqida
«Biz hali hech narsa yutmadik. Eng muhimi — shunday yo‘nalishda harakatlanishda davom etish. Oldimizda ikkita qiyin o‘yin kutib turibdi. Chorshanba kuni hal qiluvchi o‘yinlardan biri».