Ispaniyaning Marca nashri «Real» hujumchisi Krishtianu Ronalduning o‘yin uslubi o‘zgarganini sezdi.
Jurnalistlarning hisob-kitobiga ko‘ra, Ronaldu «Napoli» va «Espanyol»ga qarshi o‘yinlarda raqibni ko‘proq aldab o‘tgani, jamoadoshlari bilan yaxshiroq o‘ynagani, to‘pni ko‘p ushlab turmasdan jamoaviy o‘yinga e’tibor qaratgani va darvoza tomon kamroq zarba yo‘llagani ma’lum bo‘ldi.
Statistikaga ko‘ra, Krishtianu raqibni aldab o‘tishga urinishlar sonini 2,3 dan 6taga, muvaffaqiyatli aldab o‘tishlar sonini 0,7dan 3taga oshirgan. Futbolchining to‘p bilan muomalasi miqdori 48dan 53,5ga ko‘paygan. Bu esa uni ko‘proq jamoaviy o‘yinga e’tibor qaratayotganidan dalolat bermoqda.
Qizig‘i shundaki, Ronaldu darvoza tomon zarba yo‘llashning miqdorini kamaytirgan. Xususan, so‘nggi ikki o‘yinda birorta aniq zarba yo‘llamagan.
Eslatib o‘tamiz, "Real" bu o‘yinlarda "Napoli"ni 3:1, "Espanyol"ni 2:0 hisobida mag‘lub etdi.
