«Manchester Siti» hujumchisi Serxio Aguero, Chempionlar ligasidan o‘rin olgan «Monako» (5:3) klubiga qarshi o‘yindan so‘ng, o‘z fikrlarini aytdi.

«Pep bilan munosabatlarim yaxshi. U barcha futbolchilardan bor kuchini ishlatib o‘ynashni talab qiladi. Bugun buni uddaladik. Keyingi o‘yinda nima bo‘lishini esa ko‘ramiz.

Bellashuv taqdiri hal bo‘lmagan, biroq ikki to‘p farq bilan yutganimiz yaxshi. Agar kichik farq bilan yutganimizda, qiyinroq bo‘lardi.

Kimni maydonga tushirishni murabbiy hal qiladi. Men esa asosiy tarkibda tushish uchun kurash olib borishim kerak. «Siti»da qolishni istayman deb har doim gapirganman. Mavsum oxirida bu haqda men emas, balki klub qaror qabul qiladi» - dedi Aguero.