«Lester» bilan o‘tgan mavsumda fantastik mavsumni o‘tkazgan Riyoz Mahrez bu mavsumda «yo‘qolib qoldi». Futbolda yaxshi bo‘lish uchun jasorat ko‘rsatish kamlik qiladi. Buni muntazam tasdiqlab turish ham kerak.
Chempionlar Ligasida hozircha uning ishlari yaxshi deya olamiz. 5 uchrashuvda 4 gol, 1 golli uzatmaga ega Mahrez va uning jamoadoshlari Premyer Ligada qiyinchilikka duch kelmoqda. O‘tgan yilgi mavsum yakuniga ko‘ra, Premyer Liganing eng yaxshi o‘yinchisi maqomini kiritgan Mahrez bu yilgi mavsumda o‘z iste’dodini to‘laqonli ko‘rsata olmayapti.
Martin Kiounga ko‘ra Mahrez “dangasa”
Chempionatda «Suonsi»ga qarshi bahsdagi mag‘lubiyatdan keyin, «Lester va «Arsenal«ning sobiq a’zosi Martin Kioun uni «dangasa»likda aybladi. Le Mirror ga bergan intervyusida, Kioun quyidagi fikrlarni bildirdi : «U o‘tgan yilgi mavsumda yakkama yakka kurashlarda ajoyib harakat qilardi. Raqibdan qo‘rqmaslik, uni ja’zolash… Hozirda u buni ortiq xohlamayotgandek ko‘rinmoqda.»
«Lester»ning boshqa bir sobiq futbolchisi Stan Kollimor ham Mahrezni “ayab o‘tirmadi»: «Mavsum yakunlanishiga oz vaqt qolmoqda. Yozda biror-bir jamoa uni «Lester»ning chempionligiga yordam bergani uchun o‘z safiga qo‘shib olishi mumkin. Agar Mahrez shu ketishda davom etsa, «PSJ» yoki «Marsel«day klublar unga chiqish eshiklarini shu zahotiyoq ko‘rsatib qo‘yadi».
Muammo ancha keng
O‘z navbatida, Irlandiya termasining sobiq a’zosi Jon Oldrij esa muammoni nafaqat jazoyirlik futbolchi balki Vardining ham o‘yini pasayishida, deb bilmoqda. «Ushbu mavsumda Vardi va Mahrez o‘zlarida yangi kuch topa olmayapti. Shunga qaramay, Mahrez kelajagi porloq futbolchi. U bir qancha yutuqlarga erishdi».
Riyoz Mahrezning kelajagi ko‘proq «King Pauyer Stedium” bilan bog‘langan. Kutilganidan past saviyada o‘yin ko‘rsatayotgan bo‘lishiga qaramay, yanvar oyida futbolchini “Tottenhem” o‘z safiga qo‘shib olishga harakat qilib ko‘rdi. Chempionlar Ligasi nimchorak finalida “Sevilya”ga qarshi kechadigan bahsda Mahrez butun Yevropa nigohini yana o‘ziga qaratishi mumkin. Bu bilan 21-fevralda 26 yoshini qarshilagan futbolchi o‘z muxlislariga ajoyib sovg‘a taqdim etgan bo‘lardi.
