«Real» bosh murabbiyi Zayniddin Zidan «Atletik»ga qarshi o‘yin (2:1) borasida o‘z fikrlarini bildirib o‘tdi.

«Chempionat tugashiga 11ta tur qoldi. Biz peshqadamlik qilyapmiz, ammo hali hech narsa aniq emas.

«Real» qiyin kechgan safar o‘yinida g‘alaba qozondi. Raqib bizga ko‘p muammo tug‘dirdi, ammo jamoamiz xarakter ko‘rsatdi. Hali oldinda qiyin o‘yinlar ko‘p.

Benzema yaxshi o‘yin o‘tkazdi. O‘yin so‘ngida 4-4-2 sxemasiga o‘tishimizga to‘g‘ri keldi.

O‘yinchi almashtirishlar haqida to‘xtaladigan bo‘lsam, Ronaldudan xavotir olishga hojat yo‘q. Krishtianu ham har qanday futbolchi kabi zaxiraga olinishi mumkin. U norozi emas, boisi, biz g‘alaba qozondik.

Jamoa 4-4-2 sxemasiga o‘tishi uchun Vaskes maydonga tushirildi. Shunda barcha himoyada harakatlanadi. Bu esa raqibdan ortga chekinishimizni bildirmaydi. O‘z o‘yinimizni muvozanatga solishni istadim.

Beyl, Ronaldu va Benzema bugun ko‘p kuch sarflashdi. Shuning uchun Krishtianu va Karim o‘rniga Isko va Moratani tushirdik», – dedi Zidan.