Beloruslik himoyachi Vladislav Kosminin ushbu mavsumda "Olmaliq" sharafini himoya qilmoqda. U nima uchun faoliyatini O‘zbekistonda davom ettirishga qaror qilgani haqida o‘z fikrlarini bildirib o‘tdi.

– Mavsum yakunlanganidan keyin agentim menga qo‘ng‘iroq qildi va xorij chempionatlaridan bir nechta variantlarini taklif qildi. Uchta yaxshi variant bor edi: «Fakel» (Rossiya), «Arka» (Polsha), «Olmaliq» (O‘zbekiston). Dastlabki taklif O‘zbekiston klubi rahbariyatidan tushgandi, ammo men ularga javob berishga shoshilmadim. Boisi, menga ko‘proq Rossiya va Polsha variantlari qiziqroq tuyulgandi. Ammo ulardan aniq taklif tushmadi. Shu bois, ko‘rikdan o‘tish uchun O‘zbekistonga yo‘l oldim. "Olmaliq" safida bir hafta shug‘ullanib, nazorat o‘yinida ishtirok etdim. Murabbiy mening o‘yinimdan qoniqish hosil qildi va menga shartnoma taklif qildi. O‘ylab ko‘rish uchun vaqt oldim va keyinchalik shartnomaga imzo chekdim.

— Qaysi omillar sizni o‘ziga jalb qildi?
— Birinchi navbatda, albatta, bu murabbiy. Viktor Kumikov – tajribali mutaxassis. U Qozog‘istonning «Shaxtyor» klubi bilan Yevropa chempionlar ligasi musobaqasida yaxshi natijalarni qayd etdi. Shuningdek, yashash, ovqatlanish sharoitlari va stadion menga yoqdi. Yashirmayman, moliyaviy jihat ham ahamiyatga ega bo‘ldi. So‘nggi yillarda men o‘ynagan belorus klublarida moliyaviy muammolar bor edi. Shuning uchun men Belarus chempionatini tark etishga qaror qildim. Chempionatimiz yildan yilga o‘smasdan, bir joyda turibdi.