"Real" prezidenti Florentino Peres klub, uning raqiblari va hakamlar to‘g‘risida ishonchsiz sayt yaratish uchun 300 ming yevro to‘lagan, deya xabar beradi AS.

Sayt yaratishdan maqsad Ispaniyada va boshqa mamlakatlarda Madrid klubi imijini ko‘tarish bo‘lgan.

Eldiario.es xabariga ko‘ra, Peres 2013 yilda jurnalist Alexandro de Pedro bilan diariobernabeu.com internet-resursini tuzgan. Sayt nafaqat klubning obro‘sini oshirish bilan, balki hakamlar va Presning raqiblariga qarshi kampaniya bilan shug‘ullangan.

Bundan tashqari, sayt bosh murabbiyga u yoki bu o‘yinga tarkib tanlash borasida bosim uyushtirgan. 2014 yilda jamoa yarimhimoyachisi Garet Beylning maydonga tushishini so‘roq ostiga qo‘yishga sabab bo‘lgan: futbolchini tarkibga qo‘shmaslik uchun ikkita maqola berilgan.

"Real" prezidenti e’lon qilinadigan materiallarni shaxsan boshqargan. Bu Peres bilan de Pedro o‘rtasidagi ko‘p sonli telefon muloqotlari bilan tasdiqlangan.

Jurnalist 2013 yilning sentyabr oyida "Real" prezidenti bilan 300 ming yevrolik shartnoma tuzgan. 2015 yilning mart oyida Peres sudda klub obro‘sini oshirish uchun de Pedroga murojaat qilganini tan oldi.