Oliy liga tartib-intizom qo‘mitasi qaroriga ko‘ra, "Navbahor" futbolchisi Oybek Qilichev 2 o‘yinga diskvalifikasiya qilindi.
"Dinamo"ga (1:0) qarshi 4-tur o‘yinida futbolchi 75-daqiqada o‘z o‘rnini Darko Stanoyevichga bo‘shatgach, muxlislarga qarata xaqoratli imo-ishora ko‘rsatgani uchun shunday jazoga tortildi.
Shuningdek u jarima ham to‘laydigan bo‘ldi. Oybek 5 turda "Mash’al" bilan o‘yinni o‘tkazib yuborgandi. Endi diskvalifikasiya sababli u "Metallurg" bilan (6- tur, 15 aprel) to‘qnashuvda ham "lochinlar"ga yordam bera olmaydi.
Qilichev 7- turda (21 aprel) "Navbahor" - "Sho‘rtan" qarama-qarshiligida maydonga tushishi mumkin.
