Qozog‘istonning Chimkent shahrida MMA janglari bo‘yicha musobaqa o‘tkazildi. Navbatdagi janglarda O‘zbekistonning «Khudyakov Team» klubi a’zolari ishtirok etishdi.
56,7 kg. vazn toifasida Humoyuddin Abdullayev o‘z raqibi Quanish Nursultanni texnik nokaut bilan mag‘lub etdi. O‘zbekistonlik yana bir jangchi Akmal Xolbayev 65.8 kg. vaznda ringga ko‘tarildi va qozog‘istonlik jangchi Jalgas Toxtasinovni birinchi raundda og‘riq beruvchi uslub bilan mag‘lubiyatga uchratdi.
Superog‘ir vazndagi sportchi, "Khudyakov Team" jamoasi sardori Aleksandr Stolyarov o‘zining qoozog‘istonlik raqibi Jumabek Alimbekovni birinchi raundning o‘zida nokautga uchratdi. Yana ikki sportchimiz — Maqsadjan Yusupov va Elyor Normirzayev o‘z raqiblarini dastlabki 2 daqiqa ichida mag‘lubiyatga etishdi.
Kechaning eng asosiy jangida chempionlik kamari uchun Sirojiddin Eshonboyev mezbon sportchisi Yerjan Kenjegulovga qarshi ringga chiqdi. Uch raund yakunlariga ko‘ra, hakamlar bir ovozdan g‘alabani o‘zbek jangchisiga taqdim qilishdi.
